24 ore lajme: Kombet e Bashkuara festojne  Ditën Ndërkombëtare të Grave - 8 Marsi në shenjë të luftës kundër dhunës

Kombet e Bashkuara festojne  Ditën Ndërkombëtare të Grave - 8 Marsi në
shenjë të luftës kundër dhunës
================================================================================
Korresp. 24-ore.com on 08 March, 2008 10:17:00
 
Dita ndërkombëtare e gruas - 8 Marsi Organizata e Kombeve të Bashkuara sivjet
do ta shënojë në shenjë të tejkalimit të pabarazisë gjinore, ngritjen e
statusit të grave dhe posaçërisht të eliminimit të dhunës mbi gratë në
të gjitha format e paraqitura.
"Të gjithë ne që jemi pjesë e bashkësisë ndërkombëtare - qeveritë,
organizatat multiraterale, institucionet bilaterale dhe sektori privat - duhet
t'i llogarisim shçenzimet ekonomike të pabarazisë së përhershme gjinore
dhe resurseve të cilat nevojiten për pengimin e saj. Duhet të krijojmë
mekanizëm për ndjekjen e investimeve në barazinë gjinore. Duhet rregullisht
ta ndjekim dhe të njoftojmë për shpërndarjen e atyre resurseve. Duhet t'i
aftësojmë buxhetet vendore si dhe rrjedhat e ndihmës ndërkombëtare ndaj
nevojave reale, dhe të kujdesemi për të se ata me të vërtetë janë të
përhershme", deklaroi Ban Ki-mun gjatë fjalimit të tij zyrtar me rastin e
Ditës së gruas.
Me qëllim që t'i jepet kuptim dhe jehonë publike më të gjërë
përpjekjeve që organizatat qeveritare, të grave dhe qytetaredhe të tjera,
KB-të dhe partnerët-donatorë, i bëjnë në luftën kundër dhunës së
bazuar gjinore, më 25 shkurt sekretari i përgjithshëm i Kombeve të
bashkuara, Ban Ki-mun e publikoi fillimin e fushatës së Organizatës
Botërore "Të bashkuar në pengimin e dhunës ndaj grave".
Siç kumtoi Zyra e Koordinatorit të përhershëm të KB-ve në vend, pritet
kjo fushatë, për të cilën personalisht u angazhua sekretari i
përgjithshëm dhe apeloi për mbështetje deri te burrat dhe liderët
botëror, të kontribuojnë në përhapjen e porosisë themelore se eliminimi i
praktikave të dhunës ndaj grave është qëllim kyç zhvillimor i njejtë.
Luis Arbor, komisare e lartë për të drejtat e njeriut, në kontekst të
fushatës së KB-ve,  thotë se duket se shumë vende u lënë anash oblgimet
të cilat i kanë ndërmarrë.