Ferguson: Ronaldo mbetet në Mançester

  Trajneri i Mançester Junajtedit, Aleks Ferguson, ka pohuar se ylli portugez, Kristiano Ronaldo do të mbetet pjesë e skuadrës së "djajve të kuq" edhe në edicionin e ardhshëm. "Ronaldo do të qëndrojë me ne. Jam i sigurt se suksesi ynë në Ligën e Kampionëve do të jetë motiv shtesë për futbollistët siç janë Ronaldo, Anderson, Nani dhe Uejn Runi që edhe më tej ta shohin të ardhmen e tyre në këtë klub", ka theksuar Ferguson. 
Trajneri i "djajve të kuq" ka thënë se edicioni i ri do të jetë tepër i vështirë. "Nuk do të jetë aspak lehtë, por jam optimist, sepse kemi një skuadër shumë të mirë, ku ka hapësirë të mjaftueshme për të përparuar ende", ka nënvizuar Ferguson. 
 

Shtoni ne: del.icio.us | AskJeeves Google Yahoo Windows Live Technorati Newsvine Digg