Refuzohet edhe aplikimi i Federatës së shenjëtarisë

 Pas Federatës së hendbollit dhe asaj të basketbollit, një tjetër federatë kosovare, e cila ka marrë përgjigje negative në aplikimin për anëtarësim në institucionet ndërkombëtare është ajo e shenjëtarisë. 
Një gjë të tillë e ka bërë të ditur kryetari i FSHSK-së, Ali Pllana. “Me keqardhje ju informoj se aplikimi për anëtarësim i Federatës së Shenjëtarisë Sportive të Kosovës në ISSF edhe kësaj radhe ka dështuar, edhe pse FSHSK-ja i plotëson të gjitha kushtet për anëtarësim. Si arsye e refuzimit të aplikacionit për anëtarësim është thënë të jetë fakti se Komiteti Olimpik i Kosovës nuk është i njohur nga Komiteti Olimpik Ndërkombëtar”, ka pohua kryetari i FSHSK-së, Ali Pllana.