24 ore lajme: Vogts mund Brigelin në Azerbajxhan

Vogts mund Brigelin në Azerbajxhan
================================================================================
Korresp. 24-ore.com on 31 March, 2008 06:13:00
 
Ish-trajneri i Kombëtares shqiptare, gjermani Hans Peter Brigel humbi betejën
për të drejtuar përfaqësuesen e Azerbajxhanit. Lajmi vjen pikërisht nga
kryeqyteti azer Baku. Por, gjithsesi një tjetër gjerman do të drejtojë
vendin e Europës së largët.
Berti Vogts është përzgjedhur midis një liste të madhe kandidatësh, ku
përveç Brigelit, spikatin dhe emrat e gjermanit Horst Këpel e francezit,
Filip Trusier. Dy të fundit u përfolën kohë më parë edhe si kandidatë
për të pasuar Oto Bariçin në stolin shqiptar.
Brigel, i cili arriti dy fitore të mëdha me Shqipërinë, ato kundër Rusisë
(3-1, për eliminatoret Euro 2004) dhe kundër Greqisë (2-1, për eliminatoret
e Botërorit 2006), drejtoi në nivel kombëtaresh Bahrenin për një
përiudhë të shkurtër. Puna e tij e fundit ishte ajo e trajnerit të
skuadrës turke Ankaragyçy (i shkarkuar dhe prej andej).
61-vjeçari Berti Vogts do të pasojë maqedonasin Gjoko Haxhiecski, i cili
drejtoi Azerbajxhanin në kualifikueset e Euro 2008 (vetëm 1 fitore në 12
ndeshje). Në eliminatoret e Botërorit 2010 Azerbajxhani ndodhet në grup me
Gjermaninë, Rusinë, Uellsin, Finlandën dhe Lihteshtejnin. Azerbajxhani
renditet në vendin e 119 në ranglisttën botërore të FIFA-s.
Është e natyrshme, që ndeshjet më emcionuese për Berti Vogts, do të jenë
ato kundër Kombëtares së vendit të tij, Gjermansië, së cilën Vogts e
udhëhoqi në vitin 1996 në fitimin e Kampionatit Europian të zhvilluar në
Angli. Së fundi, Berti Vogts drejtoi Nigerinë, me të cilën arriti deri në
çerekfinalet e Kupës së Afrikës.