Reforma, mblidhen sërish ekspertët; tjetër takim Meta-Lu
Ekspertët e të dyja palëve prej 30 minutash janë takuar në ambientet e Kryesisë së Kuvendit për reformën në drejtësi.
Demokratet mësohet se, ashtu siç kanë theksuar publikisht, kanë kërkuar që të vijojë diskutimi vetëm mbi rekomandimet e Komisionit të Venecias, duke vënë si kusht që maxhoranca të terhiqet nga drafti paralel, sipas PD-së.
Ndërkohë, maxhoranca është e qëndrimit se është e hapur për të reflektuar rekomandimet e Venecias. Sipas saj, Venecia nuk ka hedhur poshtë draftin që i është çuar per mendim, por vetëm ka kërkuar detajimin e tij.
Këto janë qëndrimet që mësohet se janë duke u diskutuar tani në tryezën e ekspertëve të Komisionit të Reformës në Drejtësi dhe ekspertëve të opozitës.
Paralalisht me këtë takim, po në ambientet e Kryesisë së Kuvendit është mbajtur një takim edhe ambasadori amerikan me kreun e Kuvendit, Ilir Meta. Takimi mes tyre është i dyti, pas atij të një dite me parë, i cili zgjati rreth 3 orë.
