Fillojnë konsultimet për krijimin e Qeverisë së re serbe

Në Serbi partitë politike kanë nisur konsultimet jozyrtare për krijimin e qeverisë së re, pas zgjedhjeve të parakohshme parlamentare. Presidenti Boris Tadiq kumtoi se synimi kryesor duhet të jetë një qeveri stabile, e cila angazhohet për prosperitetin ekonomik, integrimet evropiane dhe ruajtjen e integritetit të Serbisë, së bashku me Kosovën. Në anën tjetër, radikalët dhe Partia Demokratike serbe e Vojisllav Koshtunicës kanë rënë sot dakord për katër parimet kryesore, por nuk bënë të ditur se cilat janë ato. Nesër do të bisedojnë edhe me socialistët, pasi që prej tyre varet se cili bllok do të krijojë qeverinë: blloku nacionalist apo ai pro-evropian. Politikanët gjermanë e vlerësojnë lartë fitoren e Tadiqit.