Menduh Thaci paralajmeron largim te PDSH-se nga qeveria e Maqedonise

Gjashte jane kerkesat e kryetarit te PDSH Menduh Thaci per Gruevskin. Pa plotesimin e tyre, PDSH largohet nga qeveria. Ne nje deklarate per shtyp thuhet se: Partia Demokratike Shqiptare nuk ka si qëllim në vete pushtetin, përkundrazi lidershipi i kësaj partie ka orientime dhe përcaktime të qartë rreth qëndrimit të mëtejmë në ekzekutiv. Ligji për gjuhën shqipe, ai për ish-pjesëtarët e UÇK-së, njohja sa më e shpejtë e pavarësisë së Kosovës, Ligji për flamurin, mbyllja e rasteve të Hagës dhe punësimet proporcionale të shqiptarëve janë kërkesat legjitime që burojnë nga oferta e PDSH-së adresuar kryeministrin Gruveski për vazhdimin e kualicionit. Lideri i PDSH-së gjatë takimeve me të fundit me kryeministrin Gruevski i ka parashtruar këto kërkesa, duke mos përjashtuar daljen nga qeveria nëse nuk merren në konsiderate. Madje z. Thaçi pritet që cështjen e metejme të qëndrimit në qeveri ta diskutojë në organet më të larta partiake. Pritet që në dy ditët e ardhshme të mblidhen organet më të larta të PDSH-së, Kryesia dhe Kuvendi, që të vendosin për kërkesën e liderit Thaçi që nuk përjashtom largimin e mundëshëm nga qeveria. Gjashtë janë kërkesat që lideri i PDSH-së, Menduh Thaçi, që ia ka adresuar kryeministrit Gruevski, si kusht që partia e tij të mbetet edhe më tej pjesë e koalicionit qeveritar: Ligji për gjuhën shqipe, ai për ish-pjesëtarët e UÇK-së, njohja sa më e shpejtë e pavarësisë së Kosovës, Ligji për flamurin, mbyllja e rasteve të Hagës dhe punësimet proporcionale të shqiptarëve. Mosgatishmëria e kryeministrit Gruevski për përmbushjen e këtyre kërkesave politike të liderit të PDSH-së, ka shkaktuar reagimin e Thaçit, për largimin e partisë së tij nga qeveria.Ndryshe, PDSH javën e kaluar përmes deputetes Flora Kadriu dhe në prezencë të komisarit për zgjerim të BE-së, Oli Ren, kërkoi që para futjes së Maqedonisë në NATO, të plotësohen kërkesat politike të kësaj partie që kanë të bëjnë me statusin e shqiptarëve.

Shtoni ne: del.icio.us | AskJeeves Google Yahoo Windows Live Technorati Newsvine Digg