24 ore lajme: Kërkohet pranim më i madh i shqiptarëve në policinë multietnike në Luginën e Preshevës

Kërkohet pranim më i madh i shqiptarëve në policinë multietnike në
Luginën e Preshevës
================================================================================
Korresp. 24-ore.com on 13 March, 2008 07:05:00
 
Prefekti i komunës së Preshevës Ragmi Mustafa, ka kërkuar nga OSBE pranim
më të madh të shqiptarëve në policinë mutlietnike dhe që ligjet mbi
policinë të zbatohen edhe në këtë rajon, sikur se në shtetet evropiane.
Prefekti i komunës së Preshevës Ragmi Mustafa në takimin e sotëm me
përfaqësuesit e OSBE-s ka kërkuar trajnim të posaçëm të pjesëtarëve
të policisë mutlietnike me qëllim të kyçjes së tyre në punët e
vendkalimeve kufitare mes Serbisë dhe Maqedonisë në Preshevë.
A ka theksuar se kyçja e shqiptarëve në vendkalimet kufitare është
katastrofale,me ç’rast vetëm dy policë shqiptarë janë të inkuadruar dhe
shtoi domosdoshmërinë e shtimit më të madh sipas proporcionalitetit të
numrit të popullatës, në mënyrë që të bëhet lehtësimi i qarkullimit
të shqiptarëve në këtë kufi.
Prefekti Mustafa po ashtu ka kërkuar nga OSBE të ndikojë në organet
shtetërore serbe lidhur me decentralizimin thelbësor të pushtetit në
polici, me qëllim që policia lokale mutlietnike të merr kompetenca më të
mëdha dhe ta ruaj kufirin me Maqedoninë dhe me Kosovën, duke e eliminuar
kështu deri në fund xhandarmerinë, e cila është e panevojshme në Luginë
të Preshevës.
Po ashtu ai ka kërkuar nga OSBE pranim më të madh të shqiptarëve në
policinë mutlietnike dhe që ligjet mbi policinë të zbatohen edhe në këtë
rajon sikur se në shtetet evropiane, me qëllim të krijimit të një sigurie
të qëndrueshme për shqiptarët e Luginës së Preshevës.