24 ore lajme: Bakojani: Propozimi i Nimicit larg qëllimeve të vendosura nga Greqia

Bakojani: Propozimi i Nimicit larg qëllimeve të vendosura nga Greqia
================================================================================
Korresp. 24-ore.com on 26 March, 2008 01:03:00
 
Ministrja e Punëve të Jashtme e Greqisë, Dora Bakojani sot deklaroi se
propozimi i fundit i mediatorit Metju Nimic për kontestin me emrin "është
larg qëllimeve të vendosura nga Greqia", njoftoi ANA-MPA.
Bakojani sot pati takim me kryeministrin Kostas Karamanlis dhe me rrethin më
të ngushtë të ministrave nga Qeveria greke, në të cilën informoi për
bisedimet e djeshme për emrin në KB në Nju-Jork.
Shefja e diplomacisë greke shtoi se negociatat do të vazhdojnë dhe komunikoi
se në 48 orët e ardhshme do t'i informojë presidentin grek Karolos Papulas
dhe liderët e partive politike për zhvillimin më të ri të ngjarjeve.
E pyetur nga gazetarët nëse është ende në opsion vetoja greke për
anëtarësimin e Maqedonisë në NATO, Bakonjani u përgjigj: "Pozicioni grek
është i qartë dhe nuk ka nevojë këtë ta përsëris. Si do që të jetë 
do të them edhe një herë: nëse nuk ka zgjidhje të pranueshme për emrin,
Greqia nuk mund të dakordohet në marrëdhënie partnere me Shkupin".
Duke u përgjigjur në pyetjen nëse propozimi i djeshëm i Nimicit është i
fundit, Bakojani tha se "nuk ka propozime finale në bisedime".