Shperthim ne Bosnje: Tre te vrare

Një minë tokësore që shpërtheu sot në juglindje të Bosnjës vrau 3 përsona.

Zyrtarët thanë se mina e mbetur nga konflikti etnik në Bosnjë në vitet 90 ishte zbuluar sot herët në mëngjes në fshatin Masiçi, afër qytetit Gorazhde. Ata thanë se dy policë dhe një roje civile ishin dërguar në fushën e minuar për të shënuar vendodhjen e minës dhe kur ata po afroheshin ajo shpërtheu duke i vrarë të tre personat.

Tre ekspertë të çminimit u vranë këtë javë duke pastruar fushat e minuara në Bosnje. Nga shpërthimet e minave tokësore deri tani janë vrarë më shumë se 400 përsona dhe plagosur më shumë se 1000 të tjerë që nga përfundimi i luftës në Bosnje.