24 ore lajme: PS shpall rezultatin: Edi Rama rikonfirmohet kryetar, 93.3% të votave

PS shpall rezultatin: Edi Rama rikonfirmohet kryetar, 93.3% të votave
================================================================================
Korresp. 24-ore.com on 28 September, 2009 07:17:00
 
Dy ditë pas votimeve të anëtarësisë socialiste, komisioni i zgjedhjeve në
këtë parti shpalli rezultatin final, që rikonfirmon Edi Ramën në krye të
PS-së.
Gjatë një konference për shtyp, kryetari i këtij komisioni, Genc Gjonçaj
deklaroi se votat e socialistëve i besuan Edi Ramës drejtimin e partisë edhe
për 4 vitet e ardhshme.
"Në përfundim të procesit dhe administrimit përfundimtar të zgjedhjeve
komisioni vendos të shpallë fitues për kryetar të PS-së, Edi Ramën, me
93.3% të votave"- tha Gjonçaj, duke shtuar se kandidati tjetër në këtë
garë, Maqo Lakrori mori 6.7% të votave.
Ai ka falënderuar anëtarët e PS në gjithë vendin dhe anëtarët e
komisioneve që u përfshinë dhe kontribuan në këtë proces me
përgjegjshmëri.
Sipas tij, procesi ka qenë krejtësisht transparent dhe në përputhje të
plotë me rregullat e zgjedhjeve.