Rama, Kukes : Gjendemi prane ne dhimbjen e madhe te familjeve te viktimave te tragjedise

Rama ne Kukes

Ne dëshirojmë t’ju shprehim ngushëllimet tona së largu të gjitha familjeve që kanë humbur të afërmit e tyre dhe njëkohësisht përpiqemi për t’u gjendur pranë tyre dhe për të zbutur sado pak një dhimbje kaq të madhe.
Kryetari i Partisë Socialiste ka ka ndërprerë rrugëtimin e tij në Verilindje të vendit për t’u nisur urgjent drejt Tiranës, pasi mësoi për tragjedinë  e rëndë në Liqenin e Farkës ku kanë humbur jetën 16 persona. Rama ishte në Malësinë e Kukësit në “Dialog me Shqipërinë” dhe atje është shprehur për mediat lokale lidhur me këtë tragjedi: “ Tragjedia e liqenit të Farkës na ka gjetur në malësinë e Kukësit ku kemi përjetuar sëbashku me të gjithë banorët e këtushëm tronditjen e madhe për këtë humbje shumë të rëndë dhe për këtë ngjarje, që me të vërtetë përbën një rast zie kombëtare.

Ne dëshirojmë t’ju shprehim ngushëllimet tona së largu të gjitha familjeve që kanë humbur të afërmit e tyre dhe njëkohësisht përpiqemi për t’u gjendur pranë tyre dhe për të zbutur sado pak një dhimbje kaq të madhe.”

Bashkë me Kryetarin e PSSH ishin dhe deputetët Dokle, Malaj, Minxhozi e Abazi.