24 ore lajme: Deputeti Nerenxi i zones se Farkes: Politika duhet te kryeje detyrat e saj para se te ndodhin tragjedite

Deputeti Nerenxi i zones se Farkes: Politika duhet te kryeje detyrat e saj para
se te ndodhin tragjedite
================================================================================
Korresp. 24-ore.com on 06 March, 2008 02:18:00
 
Deputeti i Lëvizjes Socialiste për Integrim, i zgjedhur në zonën elektorale
të Farkës, shpreh sot ngushëllimet e tij të sinqerta për familjarët dhe
të afërmit e tragjedisë së dhimbshme, që ndodhi në liqenin e Farkës, ku
humbën jetën 16 qytetarë.
"Nuk më vjen mirë që të përdoret tragjedia, si shkas për të kryer
detyrimet që ka politika dhe shteti shqiptar. Për të parandaluar që të mos
ndodhin tragjedi të tilla, duhet të merren masa që më parë. Duke shprehur
edhe njëherë dhimbjen tonë për këtë ngjarje të rëndë, rikujtojmë se
nëse do të lejoheshin me ligj mjetet e lundrimit, varka duhet të ishte
pajisur me mjete shpëtimi dhe 16 jetët të pajisur me mjete shpëtimi, do të
kishin shpëtuar.
Kjo ngjarje duhet të na sensibilizojë të gjithëve, për të marrë masa që
të parandalohen ngjarje të tilla të nivelit të tragjedive edhe në ambjente
të tjera publike të liçensuara. Për të parandaluar ngjarje të tilla duhet
të merren masa sigurie, si psh. në lokalet publike, kinema, bar-e, restorante,
disko dhe pub-e duhet të kenë daljet e emergjencës që sot nuk ekzistojnë.