Faqja e Pare | Politika | Ndoka: Zv/ministra te rinj te PDK ne qeveri

Ndoka: Zv/ministra te rinj te PDK ne qeveri

11 May, 2008 07:56:00 Korresp. 24-ore.com

Zgjidhni madhesine e germes:

Vetem pak dite pas rizgjedhjes se kryetar i Partise Demokristiane, ne emer te saj, Nard Ndoka paraqet nismen me te re. Ai do te paraqese se shpejti dy emra per zevendesimin e perfaqesuesve te saj ne qeveri, zv.ministrit te Integrimit, Zef Bushati dhe atij te Puneve te Jashtme, Anton Gurakuqi.
Kryetari i PDK-se, Nard Ndoka ka konfirmuar per mediat se "javen e ardhshme do te kem nje takim me Kryeministrin Sali Berisha, ku do te kerkoj zevendesimin e zv.ministrave Bushati dhe Gurakuqi, me dy emra te tjere, perfaqesues te PDK-se".

Persa i perket emrave, qe do te propozohen per postet e zv.ministrave te Integrimit dhe te Puneve te Jashtme, Ndoka tha se jane strukturat e PDK-se qe do te vendosin per ta, nderkohe qe kriteret mbi te cilat do te perzgjidhen jane ato profesionale, por dhe kontributi ne parti. “Do te kene nje performance profesionale qe te mos bejme ato gabime, duke caktuar dy perfaqesues jo te denje, jo vetem ne aspektin profesional, por dhe ne performancat e tyre”, tha zoti Ndoka.
Kongresi i Jashtezakonshem i 8 majit rikonfirmoi me shumice votash zotin Ndoka si kryetar te Partise Demokristiane. Nderkohe, dy dite me pare, ne daten 6 maj, nje grup i PDK-se thirri nje Kongres te Jashtezakonshem, ku po me shumice votash u zgjodh zoti Anton Gurakuqi kryetar i partise, si dhe u vendos qe zoti Ndoka te pezullohet si kryetar i saj dhe te mos jete perfaqesues i PDK-se ne qeveri. Ky kongres u cilesua farse nga zoti Ndoka.

Shtoni ne: Add to your del.icio.us