24 ore lajme: Bujar Leskaj : Te ndryshohet qeveria

Bujar Leskaj : Te ndryshohet qeveria
================================================================================
Korresp. 24-ore.com on 08 May, 2008 10:39:00
 
Një tjetër zë brenda Partisë Demokratike, i bashkohet idesë për riformatim
të qeverisë. Deputeti Bujar Leskaj, kërkon një qeveri më përfaqesuese
përpara zgjedhjeve të 2009-s, por që kjo të realizohet, kryeministri
Berisha duhet të lërë në dispozicion më shumë poste per demokratet dhe
të shmangë aleatët në sektorët kyç, siç janë shëndetësia dhe arsimi.
Në intervistën për Vizion Plus, Leskaj, i cili ka qenë një ndër zerat me
kritike persa i takon qeverisjes e shikon turin e ri te Berishes si nje test te
elektoratit para vitit te fundit te qeverisjes. Ish-ministri i Kulturës në
kabinetin Berisha 1, ka vlerësuar përpjekjet e deritanishme të qeverisë
për të realizuar reformat e kërkuara nga ndërkombëtarët. Leskaj i kërkon
qeverisë më shumë punë në luftën kundër korrupsionit për të rifituar
besimin në elektorat për zgjedhjet e vitit 2009-s.