| Trajneri i Bajernit të Munihut, Otmar Hicfild u shpreh mjaft i kënaqur për këtë arritje. “Ishte një edicion tepër i veçantë për Bajernin, ngase të gjithë pritnin shumë nga kjo skuadër, pasi u bënë shpenzime të mëdha. Si rrjedhojë presioni ishte tejet i madh, por jam i lumtur që fituam titullin e kampionit të Gjermanisë”, ka pohuar Hicfild. Mjaft i lumtur për këtë arritje është shprehur edhe sulmuesi italian Luka Toni. “Jam mjaft i lumtur dhe i gëzuar për këtë sukses. Pas zhgënjimit që përjetuam në kupën e UEFA-s, tash e meritojmë ta festojmë titullin e kampionit”. |
