Shperthim tritoli ne qender te qytetit te Kukesit

Një shpërthim eksplozivi ka tronditur në orën 3:00 të mëngjesit banorët e Kukësit. Lënda shpërthyese që dyshohet të jetë tritol ka shkaktuar dëme të konsiderueshme në një pallat që është në qëndër të qytetit në lagjen “Skëndërbeg” ndërsa për fat nuk ka patur viktima. Nga shpërthimi janë dëmtuar edhe 2 makina që gjendeshin të parkuara pranë pallatit. Në vendngjarje ka shkuar forca të policisë së Kukësit si dhe ekspertë nga Tirana të cilët kanë mbërritur me helikopter në mëngjes. Nuk dihet për momentin se kush ka qenë objektiv i këtij shpërthimi, në një kohë që në katin e parë të pallatit ndodhej dhe një zyrë noterie. Ekspertët janë duke punuar për të përcaktuar sasinë dhe llojin e eksplozivit ndërsa grupet hetimore pritet të zbardhin objektivin dhe autorët që shkaktuan këtë shpërthim

Shtoni ne: del.icio.us | AskJeeves Google Yahoo Windows Live Technorati Newsvine Digg