24 ore lajme: Presidenti i Kosoves Fatmir Sejdiu uron gjithe besimtaret per festen e Pashkeve

Presidenti i Kosoves Fatmir Sejdiu uron gjithe besimtaret per festen e Pashkeve
================================================================================
Korresp. 24-ore.com on 23 March, 2008 05:19:00
 
Presidenti i Republikës së Kosovës, dr. Fatmir Sejdiu me rastin e festës së
Pashkëve përgëzoi të gjithë qytetarët e Kosovës dhe besimtarët e
krishterë me dëshirat më të mira për paqe, stabilitet dhe demokraci në
vend dhe në botë.
Në urimin e Presidentit Sejdiu thuhet: Këto janë Pashkët e para në
Republikën e pavarur dhe sovrane të Kosovës, të njohur nga shumë vende
tona mike anekënd globit, janë Pashkët në Kosovën e ringjallur dhe plot
shpresë për një të ardhme më të mirë për të gjithë qytetarët e saj.
Në këtë ditë të Pashkëve të bardha, që simbolizojnë ringjalljen e
Krishtit, le ta thellojmë edhe më shumë dashurinë për njëri-tjetrin,
sepse njeriu si qenie e Zotit gjithnjë jeton në ringjallje.
Urime të sinqerta ushtarëve dhe komandantëve të NATO-s/ KFOR-it, që ditë
e natë po kujdesen për mbrojtjen dhe sigurinë e vendit tonë, UNMIK-ut,
ambasadave dhe misioneve të tjera të jashtme diplomatike në Kosovë.
Zoti e Bekoftë Kosovën dhe qytetarët e saj të mirë!