Ramush Haradinaj priti në takim të veçantë Lartësinë e tij Leka II, Princi i Shqiptarëve

Sot në selinë e Aleancës për Ardhmërinë e Kosovës (AAK) Kryetari i AAK-së z. Ramush Haradinaj priti në takim të veçantë Lartësinë e tij Leka II, Princi i Shqiptarëve, i cili po qëndron në Kosovën e Pavarur për të vizituar dhe festuar kthimin dhe fitoren e ish-kryeministrit z. Ramush Haradinaj. Kjo vizitë është bërë enkas për tu takuar dhe uruar ish-kryeministrin Haradinaj për fitoren e tij dhe gjithë shqiptarëve. 
Gjatë takimit u diskutuan tema me interes të ndërsjellë gjithë-kombëtar, duke përfshirë situatën në Kosovë dhe zhvillimet në rajon.

Z. Haradinaj falënderoj Familjen Mbretërore për mbështetjen e vazhdueshme që i kanë dhënë çështjes së Kosovës dhe fitores së drejtësisë ndërkombëtare, thuhet në një komunikatë të përbashkët për media, të lëshuar sot nga Zyra për informim e AAK-së dhe e Oborrit Mbretëror.