24 ore lajme: Policia arreston në Prishtinë, një të dyshuar për vrasje të kryer në vitin 2001

Policia arreston në Prishtinë, një të dyshuar për vrasje të kryer në
vitin 2001
================================================================================
Korresp. 24-ore.com on 10 March, 2008 11:15:00
 
Përmes një komunikate për opinion Policia ka njoftuar se ditë më parë /
më 6 mars të këtij viti/ pas informimit për vendndodhjen e një personi të
dyshuar për një rast të vrasjes që ka ndodhur në vitin 2001, ka arrestuar
një 45 vjeçar, i cili ka qenë në kërkim që nga ajo kohë. Arrestimi i 45
vjeçarit të dyshuar është bërë në Prishtinë, në rr. Rrustem
Statovci”.
Rasti i vrasjes ka ndodhur më 3 janar të vitit 2001 në rrugën
“Adriatiku”, në Prishtinë, ku pas një mosmarrëveshje në mes të
viktimës dhe të dyshimtit, me armë zjarri është vrarë një mashkull 38
vjeç.
Personi i dyshuar pas arrestimit dhe marrjes së autorizimit nga ana e
prokurorit është dërguar në Qendrën rajonale të paraburgimit në
Prishtinë, ku kanë përfunduar të gjitha procedurat e nevojshme dhe rasti i
ka kaluar Gjykatës, thuhet mes tjerash në komunikatën e lëshuar nga Zyra
për marrëdhënieve me publikun pranë Komandës rajonale të SHPK-së në
Prishtinë.