24 ore lajme: Vidhet dhe gjendet kambana e kishes se fshatit Novak

Vidhet dhe gjendet kambana e kishes se fshatit Novak
================================================================================
Korresp. 24-ore.com on 02 March, 2008 04:31:00
 
Dje me datën 01 Mars 2008 rreth orës 12:55, policia ne Prizren ishte njoftuar
se në fshatin Novak, komuna Prizren nga kisha ortodokse e këtij fshati ishte
vjedhur një këmban.
Sapo është pranuar informata njësit policore kanë shkuar në këtë fshat
dhe është kontaktuar dëshmitari Branko Gligorievic e poashtu në vendin e
ngjarjes kishin arritur edhe njësit e krim teknikës.
Sipas informatave të para katër persona të dyshimtë kishin përplasur
kambanën nga kambanorja në dyshemenë e kishës dhe më pas e kishin
tërhequr nga dalja e oborrit të kishës në drejtim të fshatit Mamush.
Më pastaj Policia kishte vërejtur disa gjurmë të cilat tregonin drejtimin e
të dyshuarve dhe në një diametër prej 500m kambana është gjetur e maskuar
(fshehur) në disa shkurre.
Pasi që është bërë fotografimi i kambanës dhe vendit e edhe njësiti i
krim teknikës e ka kryer punën e vet, është thirrur në vendin e ngjarjes
edhe dëshmitari i mëhershëm (Branko Gligorievic) i cili mandej së bashku me
ndihmën e bashkëfshatarëve të tij e kanë marr kambanën dhe e kanë
dërguar në drejtim të fshatit Novak.
Derisa policia ishte aty në vendin e ngjarjes kanë ardhur edhe disa njësi
të KFORI-t Gjerman.
Deri në këtë moment Policia nuk ka arritur të identifikoj të dyshimtit
ndërsa i tërë rasti hetohet nga njësiti i hetuesisë në kuadër të
Stacionit Policor në Prizren.