24 ore lajme: Policia e Kosoves heton nje vrasje ne Rahovec

Policia e Kosoves heton nje vrasje ne Rahovec
================================================================================
Korresp. 24-ore.com on 02 March, 2008 04:26:00
 
Dje me datën 01 Mars 2008 rreth orës 13:45 në fshatin Fortesë
(ish-Bellacërkë) të Komunës së Rahovecit, Policia ishte njoftuar
fillimisht se F. Popaj i lindur më 1945 ishte gjetur i vdekur në oborrin e
shtëpisë së tij. Në vendin e ngjarjes ishte vërejtur gjak por nuk dihej se
çka e kishte shkaktuar vdekjen e tij.
Ky rast ishte cilësuar si vrasje, ndërsa hetimet kishin nisur menjëherë nga
ana e Njësisë së Hetimeve Rajonale të Prizrenit të cilët kishin dalur në
vendin e ngjarjes e poashtu edhe prokurori i qarkut së bashku me ekipin e
mjekësisë ligjore.
Ekipi i Hetuesisë kishte filluar intervistimin e dëshmitarëve të mundshëm
dhe gjatë këtyre hetimeve me dyshimin e bazuar si i dyshimtë kryesor për
vrasje është arrestuar I.Popaj i lindur më 1984 i cili edhe është në
marrëdhënie familjare me viktimën e poashtu është konfiskuar edhe arma me
të cilën dyshohet se është kryer krimi.
Dyshohet se viktima ishte goditur me thikë në shpinë nga ana e të dyshimtit
e që si pasoj e plagëve të marra kishte ndërruar jetë në vend.
Me urdhër të prokurorit i dyshimti është dërguar në qendrën e
paraburgimit në kohëzgjatje prej 72 orëve, ndërsa trupi i viktimës është
marr nga ekipi i mjesësis ligjore dhe është dërguar në morgun e Prishtinës
për të kryer obduksionin