24 ore lajme: Theren me thika dy nxenes te shkolles se mesme ne Prishtine

Theren me thika dy nxenes te shkolles se mesme ne Prishtine
================================================================================
Korresp. 24-ore.com on 07 May, 2008 04:33:00
 
Dy nxënës të moshës 17 dhe 18 vjeçare të shkollës së mesme “Gjin
Gazulli” në Prishtinë janë plagosur me mjete të mprehta. Shërbimi
Policor i Kosovës është njoftuar për këtë rast dhe ka dal ne vendin e
ngjarjes, ndërsa, nxënësit e plagosur menjëherë janë dërguar në
Qendrën Klinike Universitare të Kosovës, ku është mësuar se jeta e tyre
nuk është në rrezik.
Policia ka njoftuar përmes një komunikate se të dyshimtit janë larguar nga
vendi i ngjarjes dhe deri tani nuk është arrestuar ndonjëri nga ta edhe pse
hetuesit e SHPK-se nga stacioni Policor Veriu kanë arsye të besojnë se
shumë shpejt ky rast do të ndriçohet.
Derisa vitin e kaluar kjo ishte një dukuri mjaft shqetësuese për neve, dhe
në atë kohe ne kishim punuar plane operative dhe i kishim vënë në zbatim
në nivel të Kosovës, thotë SHPK-ja duke sqaruar se të involvuar ne
zbatimin këtyre planeve ishin policia në komunitet, operativa dhe hetimet.
Ky plan kishte ndikuar ne rritjen e sigurisë nëpër shkolla, ndërsa këtë
vit është riformuluar dhe vazhdon edhe me tutje te jete aktiv, njofton SHPK.
Para 6 javëve është formuar edhe një grup punues ndërministror i
përbërë nga përfaqësues të MPB-së, MASHT-it, Ministrsë së Punës dhe
Mirëqenies Sociale, Ministrisë së Drejtësisë si dhe Këshillit Gjyqësor
të Kosovës, i cili do të punojë në hartimin e një Marrëveshjeje
Mirëkuptimi, e cila do të jetë bazë për formimin e grupeve dhe nëngrupeve
punuese, sipas fushave të caktuara për hartimin e strategjisë nacionale për
parandalimin e sjelljeve asociale dhe delikuente.
“Edhe pse SHPK-ja është vazhdimisht e përkushtuar që të ndikojë në
ruajtjen e sigurisë në shkolla, kuvendet komunale janë përgjegjëse për
sigurinë ne to”,thuhet në një komunikatë të policisë.