24 ore lajme: Ryker i jep urdhër policisë të vendosë rendin në Mitrovicë

Ryker i jep urdhër policisë të vendosë rendin në Mitrovicë
================================================================================
Korresp. 24-ore.com on 14 March, 2008 01:23:00
 
Shefi i UNMIK-ut, Joachim Ryker përmes një komunikate për media e ka dënuar
fuqishëm sulmin e sotëm mbi Gjykatën e Qarkut të UNMIK-ut në
Mitrovicë."Një bandë e madhe ka shfrytëzuar forcën kundër Policisë së
UNMIK-ut për të hyrë në ndërtesë. Ata, të cilët i janë kthyer dhunës
në Mitrovicën e veriut, e kanë kaluar vijën e kuqe të UNMIK-ut", ka
thënë duke e cilësuar këtë akt si tërësisht të papranueshëm. Shefi i
UNMIK-ut e ka udhëzuar Policinë e UNMIK-ut që të rivendosë rendin dhe
ligjin në veri dhe për të siguruar kontrollin e serishëm të Kombeve të
Bashkuara mbi gjykatën. Në komunikatë gjithashtu thuhet se “UNMIK-u do të
mbrojë mandatin e tij në tërë territorin e Kosovës, pa asnjë
përjashtim”.