24 ore lajme: Mbishkrimet “Republika e Kosovës” edhe në kufi me Maqedoninë

Mbishkrimet “Republika e Kosovës” edhe në kufi me Maqedoninë
================================================================================
Korresp. 24-ore.com on 10 March, 2008 10:46:00
 
Pas pikës kufitare Merdare, në kufi me Serbinë, punonjësit e Departamentit
të Shërbimeve të Inxhinieringut dhe të Menaxhimit të Ndërtesave të
MSHP-së, në bashkëpunim me policinë kufitare, sot, kanë vendosur pllakat
me mbishkrimin “Republika e Kosovës” edhe në pikat kufitare me
Maqedoninë, në Han të Elezit dhe në Glloboçicë, duke çuar numrin e
pikave kufitare me mbishkrimet “Republika e Kosovës”, në tre.
Janë këto dy pika kufitare, që ndajnë Republikën e Kosovës me atë të
Maqedonisë. Me këto pllaka, numri i pikave kufitare, që kanë mbishkrimet
“Republika e Kosovës” arrin në tre.
Punonjësit e DSHIMN-së të MSHP-së ditëve të ardhshme do të vazhdojnë
vendosjen e pllakave me këtë mbishkrim në të gjitha pikat kufitare, që e
rrethojnë Kosovën me vendet fqinje, thuhet në kumtesën për opinion të
lëshuar nga Zyra e komunikimit pranë MSHP-së.