Mbishkrimet “Republika e Kosovës” edhe në kufi me Maqedoninë

  Pas pikës kufitare Merdare, në kufi me Serbinë, punonjësit e Departamentit të Shërbimeve të Inxhinieringut dhe të Menaxhimit të Ndërtesave të MSHP-së, në bashkëpunim me policinë kufitare, sot, kanë vendosur pllakat me mbishkrimin “Republika e Kosovës” edhe në pikat kufitare me Maqedoninë, në Han të Elezit dhe në Glloboçicë, duke çuar numrin e pikave kufitare me mbishkrimet “Republika e Kosovës”, në tre. 
Janë këto dy pika kufitare, që ndajnë Republikën e Kosovës me atë të Maqedonisë. Me këto pllaka, numri i pikave kufitare, që kanë mbishkrimet “Republika e Kosovës” arrin në tre.
Punonjësit e DSHIMN-së të MSHP-së ditëve të ardhshme do të vazhdojnë vendosjen e pllakave me këtë mbishkrim në të gjitha pikat kufitare, që e rrethojnë Kosovën me vendet fqinje, thuhet në kumtesën për opinion të lëshuar nga Zyra e komunikimit pranë MSHP-së.

Shtoni ne: del.icio.us | AskJeeves Google Yahoo Windows Live Technorati Newsvine Digg