24 ore lajme:  UNMIK-u thotë se Hekurudhat e Kosovës janë nën kontroll të Prishtinës

UNMIK-u thotë se Hekurudhat e Kosovës janë nën kontroll të Prishtinës
================================================================================
Korresp. 24-ore.com on 04 March, 2008 11:26:00
 
Zyrtarët e UNMIK-ut mohojnë se kontrollin mbi hekurudhat në veri të Kosovës
janë duke e ushtruar hekurudhat e Serbisë.
"Situata është e tillë që treni i lëvizjes së lirë nuk është lejuar
që të shkojë në Zveçan meqë protestuesit serbë kanë bllokuar
hekurudhën dhe për shkak të sigurisë treni i pasditës është anuluar. Sa
i përket të ardhmes Shtylla e Katërt dhe Hekurudhat e Kosovës do të
vendosin nëse do të jetë e sigurt që trenat të qarkullojnë në linjën e
zakonshme Fushë Kosovë Leshak", ka thënë zëdhënësja e Shtyllës së
Katërt të UNMIK ut Metilde Heneke. Ajo ka shtuar se nuk është në dijeni
nëse treni që vjen nga Serbia ka kaluar stacionin në Leshak, kështu që
UNMIK u dhe Hekurudhat e Kosovës ende kanë kontroll në hekurudhat në veri
të Kosovës.
Por treni serb sipas drejtorit të Hekurudhave të Kosovës, Xhevat Ramosaj ka
kaluar stacionin e Leshakut edhe pse këtë gjë e kishte të ndaluar.