24 ore lajme: Presidenti Sejdiu priti një delegacion të Parlamentit të Estonisë

Presidenti Sejdiu priti një delegacion të Parlamentit të Estonisë
================================================================================
Korresp. 24-ore.com on 02 March, 2008 04:24:00
 
“Kemi ardhur në Kosovë për t’i ofruar ndihmën tonë shtetit të ri të
Kosovës dhe do të kthehemi në Estoni me një bindje të plotë se në
Kosovë ka hapësirë dhe mundësi të mëdha zhvillimesh e investimesh” tha
kryesuesi i delegacionit Estonez, z. Hannes Astok, gjatë takimit me
Presidentin Sejdiu.
Tani, detyra jonë është që këtë realitet ta përcjellim në qarqet tona
me qëllim që Kosova të promovohet edhe jashtë, pohoi ai.
Duke e falënderuar delegacionin për vizitën që i bënë Kosovës në ditët
e hershme të pavarësimit të saj, Presidenti i Republikës së Kosovës Dr.
Fatmir Sejdiu theksoi përkushtimin e Kosovës për implementimin e Pakos së
Ahtisarit, me theks të veçantë në mbrojtjen e të drejtave të komuniteteve
pakicë.
Po kështu, Presidenti duke shprehur mirëpritjen për prezencën civile
ndërkombëtare ushtarake, shprehu bindjen e tij se prezenca e tyre do të
ndihmojnë në ecjen e shpejtë të Kosovës drejt bashkëpunimeve regjionale
dhe integrimeve auro-atlantike.
Gjithashtu, Presidenti theksoi rëndësinë e përvojave të mira që ka pasur
Estonia në rrugën e saj për integrime dhe shprehu gatishmërinë për një
bashkëpunim sa më të ngushtë midis Republikës së Estonisë dhe
Republikës së Kosovës