24 ore lajme: OKB bën thirrje kundër dhunës ne Kosove

OKB bën thirrje kundër dhunës ne Kosove
================================================================================
Korresp. 24-ore.com on 04 May, 2008 01:51:00
 
Nënsekretari i OKB-së për operacione paqeruajtëse, Jean Mari Guehenno, iu ka
bërë thirrja të gjitha palëve në Kosovë që të punojnë për të shmangur
dhunën.
Zyrtari i lartë i Kombeve të Bashkuara po qëndron në Kosovë në kuadër
të një misioni faktmbledhës lidhur me situatën pas shpalljes së
pavarësisë.
Zoti Guehenno ka përjashtuar mundësinë e lindjes së ndonjë konflikti
ndërmjet misionit të Kombeve të Bashkuara dhe atij të Bashkimit Evropian
në Kosovë.
Ai nuk ka saktësuar çfarë roli do të ketë OKB-ja në Kosovë pas hyrjes
në fuqi të Kushtetutës së Kosovës më 15 qershor.
Në këtë datë Misioni i Kombeve të Bashkuara duhe t'ia kalojë kompetencat
qeverisë së Kosovës dhe misionit EULEX të Bashkimit Evropian.
Zoti Guehenno tha se OKB-ja do t'iu përshtatet rrethanave në terren.
"Nuk mund ta imagjinoj ndonjë konflikt me Bashkimin Evropian. OKB-ja operon
duke u mbështetur në rezolutën 1244", tha Jean Mari Guehenno pas takimit me
presidentin e Kosovës, Fatmir Sejdiu.
Ai tha se OKB-ja është e përkushtuar që të lërë pas vetes paqe dhe
stabilitet në Ballkan.
Duke e vlerësuar periudhën në të cilën po kalon Kosova pas shpalljes së
pavarësisë si "kritike", zyrtari i lartë i Kombeve të Bashkuara tha se tani
të gjithë duhet të punojnë për të shmangur çfarëdo situate që mund të
çojë në dhunë.
Nënsekretari i OKB-së për operacione paqeruajtëse, Jean Mari Guehenno, të
dielën viziton qytetin e ndarë të Mitrovicës.
Me pas ai do te shkoje edhe ne Beograd