24 ore lajme: Bush: SHBA-ja shpreson që Ukraina do ta njohë pavarësinë e Kosovës

Bush: SHBA-ja shpreson që Ukraina do ta njohë pavarësinë e Kosovës
================================================================================
Korresp. 24-ore.com on 31 March, 2008 06:21:00
 
Shtetet e Bashkuara shpresojnë që Ukraina do të njohë pavarësinë e
Kosovës, ka deklaruar Presidenti amerikan Xhorxh Bush në një intervistë
dhënë revistës ukrainase "Glavred". "Ne vërtet shpresojmë që Ukraina do
ta njohë pavarësinë e Kosovës siç kemi bërë ne", tha Bush, duke shtuar
se Ukraina "vetë duhet të vendosë çfarë vendimesh i janë të
domosdoshme". Presidenti amerikan ka theksuar se kjo është "pavarësi e
mbikëqyrur", duke shtuar se Uashingtoni "mbështeti shumë fuqishëm idenë e
njohjes së Kosovës që nga fillimi". "Kemi mbështetur edhe planin e Kombeve
të Bashkuara i cili do të ndihmonte që të realizohet pavarësia e tillë e
kontrolluar dhe në të njëjtën kohë garantojnë të drejtat e minoriteteve
në Kosovë. Shpresojmë që Ukraina do ta bëjë të njëjtën gjë", ka
thënë Bush para shkuarjes në Kiev. Zyrtarët e Ukrainas pas shpalljes së
pavarësisë së Kosovës, kanë deklaruar se Kievi po konsultohet me
partnerët strategjikë SHBA të, BE në dhe Rusinë për pozicionin me rastin
e pavarësisë së Kosovës.