24 ore lajme: Policia kthehet në veri të Mitrovicës

Policia kthehet në veri të Mitrovicës
================================================================================
Korresp. 24-ore.com on 20 March, 2008 01:31:00
 
Policia ndërkombëtare dhe Shërbimi Policor i Kosovës janë rikthyer sot në
mesditë në pjesën veriore të Mitrovicës, pas tërheqjes                dy
ditë më parë.
Zëdhënësi i SHPK-së, Besim Hoti, tha se vendimi është marrë pas
vlerësimeve se situata e sigurisë është përmirësuar pas trazirave të së
hënës.
Policia është tërhequr nga veriu i Mitrovicës pas incidenteve të dhunshme
afër ndërtesës së gjykatës, me ç'rast një polic             ukrainas
humbi jetën ndërsa dhjetëra të tjerë pësuan lëndime pas përplasjes me
protestuesit serbë.
Këta të fundit hodhën mjete shpërthyese dhe shtinë më armë zjarri,
gjatë një operacioni të policisë dhe të KFOR-it për të            
rivendosur kontrollin e UNMIK-ut në ndërtesën e gjykatës së qarkut dhe
asaj komunale në veri të Mitrovicës.
Zëdhënësi i SHPK-së në Mitrovicë, Besim Hoti tha se situata në pjesën
veriore mbetet ende e tendosur dhe përgjegjësinë kryesore             për
gjendjen e sigurisë vazhdojnë ta kenë trupat paqëruajtëse të NATO-s.
Sipas tij policia do të bashkërendojë veprimet e veta me pjesëtarët e
KFOR-it.