24 ore lajme: Bild ministri i parë i jashtëm që viziton Kosovën

Bild ministri i parë i jashtëm që viziton Kosovën
================================================================================
Korresp. 24-ore.com on 08 March, 2008 09:26:00
 
Ministri i Jashtëm i Suedisë, Karl Bild (Carl Bildt) po qëndron për  vizitë
në Pristhinë ku edhe zyrtarisht njoftoi autoritetet se Suedia e  njeh shetin e
Kosovës. Carl Bild, pas takimeve që zhvilloi me  udhëheqësit vendor tha se
pavarësia ishte e lehtë, ndërsa tash vjen  pjesa më e vështirë, ajo e
ndërtimit të një shteti funksional. Ai tha se  Kosova duhet të jetë një
shtet  i të gjithë qytetarëve që jetojnë atje,  ndonëse për këtë
kërkohet më shumë kohë. Ministri i jashtëm i  Suedisë pohon se duhet
krijuar një ekonomi stabile, duhet inkurajuar  integrimin në rajon dhe në
strkturat e BE-së. Ky është çelësi kryesor  për një paqe dhe prosperitet
afatgjatë për tërë rajonin e ballkanit.  Karl Bild, është ministri i parë
i Jashtëm i një shteti që viziton  Kosovën pas shpalljes së pavarësisë.