Princi Harry kthehet në Britani

Nipi i Mbretëreshës Elisabet, Princi Harry, është kthyer në atdhe nga Afganistani ku ai shërbeu me forcat britanike në luftë kundër talebanëve.

Vendimi për t'u tërhequr u mor nga Ministria e Mbrojtjes në Londër pasi media bëri të ditur se ai ishte në Afganistan.

Princi e priti në aeroport i jati Princi Çarlls dhe vëllai i madh, Princi Uilliam.

Princi Çarlls tha se ishte i lumtur që i biri i tij ishte kthyer dhe se ishte shumë krenar për misionin e tij në Afganistan.