Horror ne Londer: vriten dy studente franceze

Duket si nje histori horrori, por nuk bëhet fjalë për një film. dy studentë francezë, 23-vjeçare, Loro Bonomo dhe Gabriel Ferez, janë vrarë barbarisht në Londër, aty ku banonin përkohësisht në kuadër të një programi shkollor. Policia gjeti trupat e tyre me të çara thike në kokë dhe qafë në një apartament në juglindje të kryqytetit britanik. Fillimisht u thirrën zjarrfikësit për të shuar zjarrin në ndërtesë. Më pas, policia gjeti trupat e dy të rinjve, të cilët ishin të lidhur dhe u ishte vënë flaka. Agjentët e policisë thonë se dy francezët janë vrarë në mënyrë të tmerrshme dhe kanë bërë thirrje që dëshmitarët e mundshëm të paraqiten vullnetarisht në polici. Nuk përjashtohet hipoteza që vrasësi të ketë gabuar shënjestër, ndërsa hetuesit deri tani konfirmojnë se bëhet fjalë për një person të vetëm. Më e keqja është se qe të dy 23-vjeçarët ishin të fejuar dhe gati për të krijuar familje. Dhimbja e të afërmve nuk mund të përshkruhet.

Shtoni ne: del.icio.us | AskJeeves Google Yahoo Windows Live Technorati Newsvine Digg