24 ore lajme: Florida, Miçigani kërkojnë përfaqësim në zgjedhjen e kandidatit

Florida, Miçigani kërkojnë përfaqësim në zgjedhjen e kandidatit
================================================================================
Korresp. 24-ore.com on 06 March, 2008 10:59:00
 
Udhëheqësit politikë në Florida dhe Miçigan i kanë bërë thirrje Partisë
Demokratike të lejojë delegacionet e shteteve të tyre të ndihmojnë në
zgjedhjen e kandidatit për president.
Partia Demokratike vendosi që delegatët e Floridës dhe Miçganit të mos
marrin pjesë në kuvendin kombëtar sepse këto shtete i mbajtën shumë
herët zgjedhjet te tyre paraprake, në kundërshtim me rregullat e partisë.
Senatorja e New Yorkut, Hillëri Klinton fitoi në të dy këto shtete.
Guvernatorja e Miçiganit, demokratja Xhenifër Grenolm, dhe Guvernatori i
Floridës, republikani Çarli Krist, bënë një deklaratë të përbashkët,
ku kërkojnë që delegacionet të marrin pjesë në kuvendin e partisë. Ata e
akuzojnë Partinë Demokrate se po mbyt zërat e më shumë se 5 milionë
zgjedhësve.
Kryetari i Komitetit Kombëtar Demokratik, Hauard Din, u bëri thirrje
zyrtarëve të partisë të Floridës dhe Miçiganit, që t’i përsëritin
zgjedhjet në këto dy shtete, me qëllim që votat e tyre të merren në
konsideratë. Zoti Din tha se po të bëhet kjo, delegatët e këtyre dy
shteteve do të lejohen të marrin pjesë në zgjedhjen e kandidatit