Presidenti Bush mbështet kandidatin Mekein për president

Presidenti Bush ka shprehur mbështetjen për Senatorin republikan John McCain për president, pas fitores mbresëlënëse të tij mbrëmë në zgjedhjet paraprake në katër shtete.

Presidenti Bush e priti zotin McCain në Shtëpinë e Bardhë sot, një ditë pasi senatori veteran nga Arizona fitoi mjaft delegatë për të siguruar emërimin e partisë së tij.   Disa muaj më parë u duk sikur fushta e tij do të merrte fund për shkak të vështirësive financiare.

Presidenti tha se zoti McCain, i cili ishte rival i zotit Bush në garën presidenciale të 2000, tregoi kurajo të pabesueshme, karakter të fortë dhe durim për të arritur deri këtu.  Ai tha se këto janë pikërisht karakteristikat e nevojshme për një president.

Nga pala demokrate, Senatorja e Nju Jorkut, Hillari Klinton e rigjallëroi fushatën e saj presidenciale, me fitoren e rëndësishme në Teksas dhe Ohajo, që kanë numër të madh delegatësh, duke ndryshuar raportin në kampin demokrat, ku senatori Obama kishte siguruar 12 fitore radhazi. Ish zonja e parë fitoi edhe në Rhode Island, ndërsa Senatori Obama fitoni në shtetin Vermont.