24 ore lajme: Reagime te ashpra ne Amerike rreth humbjes se tenderit nga Boeing

Reagime te ashpra ne Amerike rreth humbjes se tenderit nga Boeing
================================================================================
Korresp. 24-ore.com on 01 March, 2008 02:29:00
 
Një kontratë e madhe për të furnizuar forcën ajrore të SHBA me një avion
rifurnizimi gjatë fluturimit është fituar nga Northrop               
Grumman e Kalifornisë dhe kompania evropiane, EADS -- pronar i Industrive të
Airbus-it.
Ata fituan përballë prodhuesit amerikan të avionëve, Boeing.
Në një kontratë me vlerë deri në 40 miliardë dollarë, fituesit do të
ndërtojnë 179 çisterna që përdoren për të mundësuar qëndrimin
më gjatë në ajër të avionëve.
Një kontratë fillimisht i ishte ofruar Boeing në 2003, por ajo ra pas një
skandali për fryrje të çmimeve dhe korrupsion.
Sekretari i Forcës ajrore amerikane, Michael Wynne, tha se çisternat e reja 
do të jenë me përfitim për amerikanët dhe aleatët             e tyre.
Reagime të ashpra në SHBA
Humbja e kontratës me vlerë 40 miliardë dollarë nga Boeing ka marrë
protesta të zemëruara në Kongres.
Deputetë nga shteti i Uashingtonit dhe Kansasit që kanë uzina të mëdha të
Boeing-ut shprehën zemërim që kontrata i ishte dhënë             një
konsortiumi pjesë e të cilit ishte dhe Airbus-i evropian.
Avionët do të përfundojnë së ndërtuari në Alabama, por pjesa më e madhe
e pajisjeve do të prodhohen në Evropë.
Boeing tha se po priste një shpjegim nga ushtria para se të vendoste  nëse
do të apelonte apo jo.