24 ore lajme: Kina paralajmeron ashpersi ndaj protestave

Kina paralajmeron ashpersi ndaj protestave
================================================================================
Korresp. 24-ore.com on 15 March, 2008 05:42:00
 
Njoftohet se dhjetë persona janë vrarë në trazirat e ditës së premte në
kryeqytetin e Tibetit, Lhasa.
Agjencia kineze e lajmeve, Hsinhua, tha se shumica e të vrarëve ishin
biznesmenë.
Turma të inatosura i vunë zjarrin dyqaneve me pronësi kineze në dhunën më
të rëndë kundër sundimit kinez në gati 20 vjet.
Njoftimet më të fundit thonë se Lhasa është e qetë, ndërsa në rrugë
janë vendosur tanket.
Megjithatë është tepër herët për të thënë nëse do të ketë protesta
të tjera gjatë fundjavës.
Turistët e huaj po mbahen jashtë qytetit.
Një zyrtar qeveritar tha se Kina do të veprojë me ashpërsi kundër
demonstruesve - duke sfiduar thirrjet nga bashkësia ndërkombëtare që Pekini
të tregojë përmbajtje.
Gjithë kjo ngjarje e ka vënë reagimin e Kinës ndaj Tibetit në qendër të
vëmendjes - vetëm pak muaj para Lojrave Olimpike.