24 ore lajme: Nis epoka e ndarjes së pushtetit

Nis epoka e ndarjes së pushtetit
================================================================================
BBC on 06 March, 2008 06:33:00
 
Në Nairobi bëhet hapja zyrtare e parlamentit të ri të Kenias.
Parlamenti hapet një javë pasi presidenti Mwai Kibaki dhe udhëheqësi i
opozitës Raila Odinga, ranë dakord që të ndajnë pushtetin.
Ata nënshkruan një marrëveshje për të formuar një koalicion pas javëve
të tëra me gjakderdhje, një pjesë e së cilës pretendohet se ishte
sanksionuar nga shteti pas zgjedhjeve të kontestuara të dhjetorit.
Njoftohet se së shpejti do të bëhen publike hollësi të tjera të
marrëveshjes, ndërkohë që parlamenti do të fillojë të debatojë
legjislacionin javën e ardhshme.
Adam Mynott i BBC-së në Nairobi thotë se arritja e marrëveshjes ka ndihmuar
për të ulur indinjatën, por mbetet shumë punë për t'u bërë për ta
bërë të funksionueshme në praktikë marrëveshjen e arritur.
Takim
Z. Kibaki po drejton një takim të deputetëve të koalicionit të tij,
Partisë së tij të Unitetit Kombëtar dhe Lëvizjes Demokratike Portokalli
të z. Odinga.
Presidenti pastaj do të hapë sesionin parlamentar, kur pritet të mësohen
hollësi të tjera të marrëveshjes, e cila do të bëhet publike më vonë
gjatë ditës.
Marrëveshja u arrit me negociimin e OKB-së pas javëve të tëra me dhunë.
Rreth 1,500 persona u vranë gjatë akteve të dhunës që pasuan zgjedhjet
presidenciale për të cilat z. Odinga thonë se u manipuluan nga z. Kibaki dhe
mbështetësit e tij.
Qindra mijëra vetë po ashtu u detyruan të braktisnin shtëpitë.
Burime i kanë thënë BBC-së se një pjesë e dhunës që ushtroi një grup
paraushtarak i jashtëligjshëm, ishte sanksionuar nga shteti.
Por qeveria e hedh poshtë këtë pretendim.