24 ore lajme: Putin i bën thirrje qytetarëve për të votuar të djelën

Putin i bën thirrje qytetarëve për të votuar të djelën
================================================================================
Korresp. 24-ore.com on 01 March, 2008 08:17:00
 
Presidenti rus në largim, Vladimir Putin, u ka bërë thirrje qytetarëve të
vendit të tij që të marrin pjesë në zgjedhjet presidenciale të 3 marsit.
Në një fjalim në televizor ai tha se është shumë e rëndësishme që
presidenti i ri të fitojë një bazë sa më të madhe të besimit. "Vota e
secilit prej jush është e rëndësishme", tha Putin. Si favorit në këto
zgjedhje mbahet politikani, Dimitrij Medvjedev, i cili nga mediat shtetërore
është mbështetur në mënyrë masive.Tre kandidatët e tjerë kanë shumë
pak shance. Dy politikanë të njohur opozitarë, Garri Kasparov dhe Michail
Kasjanov u ndaluan të kandidojnë. Putin kishte bërë të ditur se pas
zgjedhjeve do të ushtronte postin e kryeministrit.