SHBA fajëson Iranin për sulmin

Petraeus thotë se ka prova që implikojnë iranianët

Ai i tha BBC-së se besonte se Teherani kishte trajnuar, pajisur dhe financuar kryengritësit që gjuajtën me mortaja dhe raketa.

Nuk ka patur ende reagim nga Irani ndaj akuzave.

"Raketat që goditën Zonën e Gjelbërt ishin të siguruara nga iranianët, ishin raketa të prodhuara në Iran," tha gjenerali Petraeus.

Në reagim të lajmit se 4000 ushtarë amerikanë ishin vrarë tashmë në Irak, ai tha se kjo tregonte se sa shumë po kushtonte misioni por shtoi se amerikanët ishin realistë për këtë.

Ai gjithashtu tha se ishte bërë progres si rezultat i vendimit të klaneve sunite për t'u kthyer kundër militantëve të al Kaidas.