24 ore lajme: Kryeministri Berisha: Asgjë nuk mund të përkulë vullnetin e hekurt të policisë shqiptare për të luftuar me zero tolerancë krimin

Kryeministri Berisha: Asgjë nuk mund të përkulë vullnetin e hekurt të
policisë shqiptare për të luftuar me zero tolerancë krimin
================================================================================
Korresp. 24-ore.com on 06 March, 2008 07:22:00
 
Kryeministri Berisha u shpreh sot, pas vizitës që i bëri oficerit të
policisë, se asgjë nuk mund të përkulë trimërinë dhe vullnetin e hekurt
të policisë shqiptare për të luftuar me zero tolerancë krimin.
“Asgjë nuk mund të përkulë apo të tejkaloi guximin, trimërinë dhe
vullnetin e hekurt të policisë shqiptare për të luftuar me zero tolerancë
krimin”, tha Kryeministri Berisha.
Në përgjigje të interesit të medies se a po bëhet krimi kaq kurajoz sa
policët po përkushtohen në luftën ndaj tij, Kryeministri Berisha tha se në
Shqipëri është faktuar qartë dhe përfundimisht se trimëria,
profesionalizmi dhe kuraja e policëve, inspektorëve, agjentëve të
policisë, është shumë më eprore sesa një kriminel, që në ikje e sipër
përdor makinën e tij kundër oficerit të policisë. Ligji, u shpreh
Kryeministri, do të japë do t’i japë përgjigjen përfundimtarë këtij
problemi.
Duke uruar shërim të shpejtë për oficerin e policisë, Kryeministri kërkoi
që qytetarët të mendojnë për punën e vështirë që ka policia dhe për
shërbimin e jashtëzakonshëm që ata i kanë bërë këtij vendi, jetës së
qytetarëve shqiptarë, pronës së qytetarëve shqiptarë dhe veprimtarisë
së tyre.