24 ore lajme:  Presidenti i Republikës dhe Zonja e Parë ngushëllojnë familjet Osmani për humbjen e tetë familjarëve të tyre

Presidenti i Republikës dhe Zonja e Parë ngushëllojnë familjet Osmani për
humbjen e tetë familjarëve të tyre
================================================================================
Korresp. 24-ore.com on 06 March, 2008 01:50:00
 
Presidenti i Republikës Bamir Topi, i shoqëruar nga Zonja e Parë Teuta Topi
kanë ngushëlluar personalisht familjet Osmani, të cilat humbën tetë
persona në tragjedinë e mëngjesit të sotëm në Liqenin e Farkës, që i
mori jetën 16 personave.
Gjatë vizitës së ngushëllimit në banesat e familjes Osmani, Presidenti dhe
Zonja e Parë kanë shprehur dhimbjen e madhe për këtë humbje të rëndë e
cila tronditi mbarë opinionin publik.
”Nuk gjej fjalë”, - ka thënë Presidenti i Republikës - “për t’ju
shprehur ngushëllimet e mia, pasi tragjedia është jashtëzakonisht e
rëndë. Ju shpreh ngushëllimet më të sinqerta dhe uroj që ta përballoni
me forcë këtë moment jashtëzakonisht të vështirë!”