DASH nxjerr raportin vjetor për trafikimin e qënieve njerëzore, Shqipëria në grupin e dytë

Departamenti amerikan i Shtetit publikoi sot raportin vjetor për Trafikimin e Njerëzve, që hedh dritë mbi këtë formë të skllavërisë moderne. Raporti i klasifikon vendet në tri grupe kryesore, në vend të parë vendet me më pak problem në këtë fushë dhe në vend të tretë, ato vende ku ky fenomen është më tepër shqetësues.

Sekretarja e Shtetit Hillari Klinton tha se trafiku njerëzor, prek çdo vend të botës, përfshi edhe SHBA. Zonja Klinton u bëri thirrje vendeve të tjera të bashkëpunojnë për eliminimin e të gjitha formave të trafikut njerëzor.  Në raport thuhet se Shqipëria këtë vit ka shënuar përparim dhe ndodhet në vendet e Grupit të 2.   

Në raport thuhet se viktimat shqiptare të këtij fenomeni trafikohen me synim shfrytëzimin seksual kryesisht për në Greqi, por edhe në Itali, Maqedoni, Kosovë, Spanjë, Francë dhe Britani, por edhe brenda Shqipërisë. Sipas raportit, më tepër se gjysma e vitkimave që trafikohen janë nën moshën 18 vjeçare.

Në raport thuhet se qeveria shqiptare nuk i plotëson të gjitha standartet e nevojshme për eleminimin e trafikut njerëzor, por po bën përpjekje të rëndësishme  në luftën kundër këtij fenomeni. Në raport thuhet se qeveria shqiptare ka treguar vullnet të mirë politik gjatë viti të kaluiar në këtë fushë dhe se trafikantët, apo personat e implikuar në trafik janë çuar para drejtësisë.