Kodi, neser konferenca e kryetareve

Pengesa teknike eshte neni 86 i rregullores se Parlamentit, sipas te cilit nje dekret i presidentit per rishqyrtim ligji diskutohet ne komisionin qe e ka shqyrtuar ate fillimisht.

Kjo do te thote se i vetmi autoritet per ta bere kete eshte komisioni i hartimit te Kodit Elektoral. Por ai ka pushuar se funksionuari qe prej 15 nentorit, kur negociatat u mbyllen dhe drafti u dergua ne Parlament, pa e kaluar ate me pare ne komisionin e ligjeve.

Zgjidhja e kesaj dileme pritet te vije te premten nga konferenca e kryetareve te grupeve parlamentare, e cila duhet te shqyrtoje si opsionin e kalimit te dekretit ne komisionin e ligjeve, ashtu edhe ate te ringritjes se komisionit te posacem qe hartoi Kodin Elektoral.

Nese miratohet opsioni i pare, ai i komisionit te ligjeve, palet i druhen perballjes me shkeljen e rregullores, qe teorikisht i hap rruge atakimit te vendimit ne Gjykaten Kushtetuese.

Nese vendoset per ringritjen e komisionit qe negocioi dhe miratoi Kodin Elektoral, gje qe perputhet me respektimin e rregullores, ekziston serish nje mundesi jo vetem teorike, qe vonon hyrjen ne fuqi te kodit, pasi negociatat mund te rihapen serish.

Megjithate, cilido qe te jete vendimi i konferences se kryetareve per komisionin pergjegjes, rregullorja i jep kohe 2 muaj ketij komisioni qe te coje raportin e tij ne Parlament per rishqyrtimin e dekretit te presidentit.

Cka do te thote se koha per hyrjen ne fuqi te Kodit, i ndryshuar apo jo, do te varet nga vullneti i dy partive te medha.